Sochta Hu Usay Neend Bhi Ati Ho Gi

Sochta Hu Usay Neend Bhi Ati Ho Gi
Ya Meri Tarah Faqt Ashak Bahati Ho Gi


Wohi Meri Shakal Mera Nam Bhulanay Wali
Apni Tasvir Se Kia Ankh Milati Ho Gi


Is Zameen Par B Hai Sailaab Mere Ashko'n Ka
Mere Matam Ki Sada Arsh Par Jati Ho Gi


Sham Hotay Hi Wo Chokhat Par Jala Kar Shamhen
Apni Palko'n Me Kai Khawab Sajati Ho Gi


Hoti Ho Gi Mere Bosay Ki Talab Me Pagal
Jb Bhi Zulfon Me Koi Phool Sajati Ho Gi


Mere Tareek Zamanon Se Nikalnay Wali
Roshni Tuj Ko Meri Yaad Dilati Ho Gi


Dil Ki Mahsoom Rage'n Khud He Sulagti Hon Gi
Junhi Tasvir Ka Kona Wo Jalati Ho Gi


Roop De Kar Muje Us Me Kisi Shehzaday Ka
Apne Bacho Ko Kahani Wo Sunati Ho Gi