Veeran Bohat Hun Wasal Say TAshkeel Kar Mujhay
Tu Mujh Se Pyar Kar Zara Tabdeel Kar Mujhay
Sehra Ki Tapti Rait Say AA Kar Mujhy Bacha
Tu Tthanday Meetay Pani Ki Ik Jheel Kar Mujhay
Ho Jaain Na Kharab Kahin Meri Aadatain
Har Hukm par Na Is Tarah Taameel Kar Mujhay
Ab Is Tarah Say Mujh Ko Adhura Na Chor Tu
Main Hon Tera Wada To Ab Takmeel Kar Mujhay
Chhu Kar MEra Wajood Tajjali Si Bakhash Day
Main Ik Andhairi Raaat Hon Qandeel Kar Mujhay
No comments:
Post a Comment